有日，細粒表哥的媽媽話：見個仔咁鍾意玩電話，二百幾蚊買了個FISHER-PRICE的電話俾佢玩，點知玩兩玩就"興趣不大"，買個真電話俾佢玩無咁嬲......
浣熊愛電話，但更愛搖控.......每日見著我地開冷氣"DOOT"來"DOOT"去，很有興趣。只要你俾佢，任何遙控都可以玩半日。
成間屋都係搖控，為何會有咁多呢......
最初的時候，我們只俾NOW個搖控他玩，原因很簡單，玩壞了，打個電話就有人來換。事實上，已經玩爛了一個......
但聽完細粒表哥媽媽的一番話後，我同浣熊媽想，或許我們可以去"老鴨"，10蚊買7個唔WORK的搖控回來，消毒完俾阿仔玩.......
一天，我在公司逐間逐間寫字樓搜索，發現每間房都會留低一些無用的搖控，當然，我全部立晒回來俾浣熊玩。
上面呢七個原本要來播四仔的搖控，我叫姐姐用火酒抹乾淨，再得閒用來"DOOT"呢樣"DOOT"果樣，等浣熊以為真係WORK，我地先俾佢玩......有左呢批"退役"搖控，浣熊吃飯時會揸著，換片時會揸著，連去沖涼都可以揸著(要小心唔好攞錯!)，真好......
作為一個窮爸爸，我無時無刻都在想，究竟有咩可以俾浣熊玩，但又所費無幾呢......
唔知浣熊大過仔後睇返呢篇BLOG會有乜感覺.......
PONG
2009-10-19
